|
|
| Lyrics - Tekstovi pesama - O - Kovach.rs
|
|
|
| Oliver Dragojević - Nista nova, nista nova
|
Ništa nova, ništa nova
posli fešte kisne vala,
u pitaru lipi snova
cilo lito tu si stala.
Raštimane sad su ure,
zatvorene gnjiju škure...
Sad životu, punon zima,
okrenuta nan je prova,
odrišena već je cima,
ništa nova, ništa nova...
Pala je u more stina
i prozebli grdelini,
uz gradele, kraj komina
nima ko da te zaini.
I dok jugo stalno jača,
oko kuće reste drača...
Sve se sprema da podivja,
a mi kano stara bova
plutamo bez pravog cilja:
ništa nova, ništa nova...
Uzalud privrćen foje
ča će reć mi na sva justa,
svi govore: bit će boje,
barbirija već je pusta.
Vaja vrime niz skaline
vonj mižerje i morbine...
I briškulu dikod baci
klapa ča još ni gotova
da ostari po bonaci,
ništa nova, ništa nova...
Finili su pusti kanti
i promukla već je klapa,
i po dobru svak te panti
stareć s nama sve do ščapa.
Naresle su nove plime,
popucale surgadine...
Još se pine dugi vali
i po mistu reve tovar,
jarboli u more pali:
ništa nova, ništa nova
|
|
|
|
članova
Ukupno članova: 185692
Statistika
Prisutni korisnici
